البـــــوابـــة
من طرف | شهر .....لا اسبوع عسل؟؟؟؟ ابتسم عاصم وهو ينظر للتاكسى وهو يقف وينزل منه (جوز)عرسان.....فقد كان عاصم يتكلم مع زميل العمل (امجد)فى ان الفندق (مليان)عرسان!!.... كان عاصم ابن الثلاثين او يزيد التحق بوظيفة استقبال فى فندق درجة ثالته...فى وسط الخرطوم بعد ان اضناه البحث عن العمل فى مجال (تقنية المعلومات)التى اتخرج من كليتها...لم يكن يعلم عاصم ماذا تعنى تقنية معلومات ولكن مع الموجة السايره فى البلد دخل الكلية وهو يرفع شعار(موت الجماعة عرس)!!!....كان العرس مجال الحديث اليومى بين عاصم وامجد...امجد الشاب المفتح والرافض لكل اشكال (الاعتقال المقنن)الكود التعريفى للزواج عند امجد....وكان (اى امجد)يرفض مجرد التفكير فى فكرة الزواج والارتباط ويدعو للتحرر من كل اشكال كبت الحريات !!!.......كان عاصم يتشوق الى الزواج والارتباط وتكوين اسرة كبيرة من الابناء.... التفت عاصم نحو امجد وهو يقول .....شوف الحلاوه دى يا امجد(وهويؤشر براسه نحو)العرسان والريحه السودانية المميزه تسبق دخولهما الى استقبال الفندق.....رسم عاصم بسمة استهذاء وهو يقول ...يالاخو دا بس فى الاول بس وبعدين(اياااااااك)...ضحك الاثنين بصوت عالى ثم كتما الضحك مع دخول العرسان... دخل العريس اولا وهو يقول السلام عليكم ....وفى نفس اللحظة سقطت العروس بصوره غريبة بسبب (السراميك)الجديد المركب فى مدخل الفندق ......هاج العريس وماج واكثر من التوبيخ لكل الفندق لم لا والعروس (المكلفة)تسقط مثل تلك السقطة.....لم يهدا العريس الا بعد جهد كبير من عاصم وتحفظ واضح من امجد.....بعد ان دخل العرسان الى داخل الفندق التفت عاصم الى امجد وهو يقول شنو يعنى ما قلت للزول دا حاجه!!....صاح امجد .دى فورة بتنتهى بعد يومين تلاته... اكمل الاسيوع دورته....رن جرس التلفون الداخلى فى الاستقبال رفع عاصم السماعه ....الو ...ايوه خير برسل ليكم العامل( اسع)....وضع عاصم التلفون وهو يقول لامجد ابعث العامل للغرفة خمسة الناس ديل طالعين خلاص....ابتسم امجد وهو يقول ديل ناسك بتاعين السراميك.....خلاص العسل كمل فى اسبوع بس....ياخى احتمال ماشين مكان تانى....لا لا ياهو اسبوع خلاص ما قلت ليك الحكاية فوره وبعد داك (الدرش)....خلاص اسع بطل الكلام ورسل نزل الشنط....جا العريس اولا وبعد ان دفع الفاتوره ظهرت العروس وهى تنزل السلم الداخلى للفندق ....وعندما اصبحت على بعد درجتين من الارض سقطت بصورة غريبةمرة اخرى فتكهرب الجو تماما واستعد عاصم لموجة من الشتايم.....نظر العريس بقضب للعروس وهى تلملم اغراض الشنطة الصغيره التى كانت تحملها معها....وانفجر فيها بقضب(انتى ما تشوفى قدامك انت قايله الحاجات دى جبته ليك بالمجان)فسقط امجد من الضحك..... |
شهر .....لا اسبوع
GODOF- Admin
- عدد المساهمات : 10329
نقــــاط التمـــيز : 60841
تاريخ التسجيل : 08/04/2009
العمر : 32
