البـــــوابـــة
من طرف اغلق عمر الفاروق اخر طبلة من طبل المسجد وتاكد من ان كل الطبل وضعت فى مكانها الصحيح..... عمر الفاروق محولجى السكة حديد والمؤزن الراتب فى المسجد فى الحى الشعبى...تعود على اقفال المسجد يوميا بعد انتهاء حلقة القران بعد صلاة الصبح من قبل اكثر من سيعه سنوات هى عدد سنين رحول (الفاروق)الى الحى الشعبى فى سلسلة الترحال المستمره.... دلف الفاروق على دكان ود المنسى وبعد التحية طلب عمر من ود المنسى وهو يهمس بان يعطيه (الفين)جنيه ...تزمر ود المنسى وهو يعطى الفاروق المبلغ وهو يقول ياعمى عمر الحساب (كتر)الشهر دا....ابتسم الفاروق وهو يضع الالفين داخل الجيب الاعلى للقميص خير خير يا ود المنسى والله كتر خيرك لكن الليلة الصرف انشاء الله احلك...على فكره الحساب كم....بسرعه فتح ود المنسى الدفتر وهو يتمتم ...الفاروق الفاروق...ايوه طيب ...كلها ياعمى عمر (مية وتلاتين جنيه)...اكمل عمر الشهادة كامله وهو يهم بالزهاب ....الليلة ادفع ليك بس انت قول انشاء الله...قالها عمر وهو يتجه نحو محطة المواصلات... بعد ان اما عمر المصلين فى السكة حديد فى صلاة الظهر دخل عمر مكتب المحاسب ....السلام عليكم اهل المال...مرحب الفاروق...اهه الماهيه جات ...ايوه ياعم عمر....طيب ياولدى بالله مشينى انا مستعجل شوية....حالا با عم عمر طيب بس ياعم عمر انت الشهر دا حنبدا نخصم السلفية بتاعتك .....ياولدى الشهر دا ماتخلو وابدوا من الجاى....لالا دا ما شغلنا ياعم نحن عبد المامور....خير خير ياابنى اه الباقى كم.....طيب بعد السلفية الباقى ليك سبعمية وتلاتين جنيه ...امسك الفاروق وهو يحسب المبلغ ثم استدرك سريعا لا ياولدى فى (خمسه)جنيه ناقصه...لا لا ياعم دا اتخصمت دعم لى (غزه)...دعم لى منو؟؟؟....غزه يا فاروق الاتحاد بتاعنا شارك بيها فى دعم ناس غزه.....صمت عمر وهو غاضب ومضى الى خارج المكتب.... جلس عمر يقسم باقى الماهية ....(تلاتمية )ايجار البيت (ومية وتلاتين) ود المنسى و(مية) بتاعت مواصلات العيال والكهرباء والموية وحق اللبن.....يعنى فضل (ميتين )عشان تمشينى باقى الشهر ...لا حوله ولا قوة الا بالله... رجع عمر الى المنزل بعد ان دفع حق ود المنسى....وبعد ان تناول مع العيال الغداء وبينما هو يرشف الشاى جات (مسكه)بنت عمى عمر الاخيره واحبهم له لم لا وهى على اسم والدته رحمها الله...جلست مسكه وهى(تدعك)فى ايدى ابيها فى حنان بالغ.....سالها الفاروق خير يا(امى)مالك الليلة....يابوى قالو لينا فى المدرسه كلو واحده تجيب (خمسه)جنيه عشان يصلحو (الحمام) بتاع المدرسة.....ضحك الفاروق حتى بانت اسنانه....انت يابويه بتضحك مالك....لا يابتى انا بضحك عشان حاجه تانيه....طيب ابوى ادينى القروش....لا يابت امشى قولى ليهم نحنا دعمنا(غزه)الشهر دا .....غزه دى منو يابوى برضوا (الحمام بتاعم)وقع زينا.....!!!!!! |
المحولجى عمر
GODOF- Admin
- عدد المساهمات : 10329
نقــــاط التمـــيز : 60841
تاريخ التسجيل : 08/04/2009
العمر : 32
